Musika simulazioan berriena, Guitar Hero-k garai guztietako kitarrajole onenetarikoa izatea bideratzen dizu. Garaiotako Jimi Hendrix zarela uste baduzu, hartzazu kitarra eta jo akordeak ezkerraz, eskubiaz erritmoa daramazun bitartean.
Parte hartzaile orok eman ahal izango du bere izena joko intranetaren bidez.
Partyaren hasiera ofizialetik aurrera posible izango duzue izena ematea, ostiraleko laurak bitartean, une horretan lehen parekatzeen zozketa egingo baitugu. Partiden ordutegiak joko intranetean argitaratuko dira, eta emaitzak ere orri berean ikus ahal izango dituzue.
Sailkatze errondak kontsola gunean gauzatuko dira ostiralean bostetatik aurrera, eta final aurrekoak eta finala bera egun hortan bertan izango dira eskenatoki nagusian arratsaldeko zortziretatik aurrera.
32 partaide banaka. Lehiaketa kanporaketa zuzenera jokatuko da. Parte hartzaileak buruz buru arituko dira zoriz hautatutako kanta bakarrarekin. Kantak iraupen normala izango du eta jokuak erdi mailako zailtasuna izango du.
Final aurrekoak eta finala hiru abestitara jokaruko da, haietariko bi parte hartzaileek eurek aukeratuak eta hirugarrena zoriz programak berak hautatua. Irabazlea hiru kantetan puntu gehien batzen dituena izango da.
